Minister a topa Camara di Comercio awe pa resolve diferencia riba San Nicolas

ORANJESTAD – Riba peticion di Camara di Comercio (KvK), nan a reuni awe mainta cu minister di Cultura y Turismo Otmar Oduber, den un intento pa resolve diferencianan di opinion recien riba e.o. proyectonan pa San Nicolas. Manera ta conoci e siman aki e mandatario no a gusta e comentarionan di Kvk riba dos topico specifico y a vocifera esaki. E reunion di awe, segun minister Oduber a sigura NoticiaCla.com awe tardi, a clarifica tur e mal comprondemento cu tabatin, y nan ta cla pa traha hunto den futuro. “ E parti aki di nos isla merece tur atencion y desaroyo economico y mi ta para pe tambe hunto cu mi coleganan Minister!” e mandatario a declara riba su pagina di Facebook durante cu e reunionnan tabata tuma lugar. No ta conoci con e reunion aki a desaroya pero ta en espera di comentario di e protagonistanan di e reunion.

DISINFORMATION E peticion pa e reunion tabata pa tuma lugar otro siman, pero mirando cu e mandatario ta di biahe otro siman, a opta pa tene e reunion awe diasabra mainta mes, y resolve tur mal comprondemento. Segun Oduber, e directiva completo di Kvk a reuni, y tur otro actor cu ta trata e parti di dsarouyo di San Nicolas. “A mira cu practicamente cu tanto Camara di Comercio y gobierno ta riba un liña”. E loke a pasa ta cu debi na posibel ‘disinformation interno’ di Camara di Comercio cu no a cana corecto, y cu lo no tabata wordo informa pa reunionnan pa wordo informa. Oduber a sigura cu semper nan tabata wordo informa pero cu e comunicacion no tabata bon.

REUNION

Durante e reunion di 2 ora y mei, gobierno a comparti e plannan cu a bin ta traha pa e desaroyo di San Nicolas. A papia riba tur e rapportnan cu ta saliendo. “Camara di Comercio tabata hopi satisfecho cu e informacion ricibi, y tin un bista mucho mas miho di e trabounan” Oduber a sigui bisa. Tanto e topico di Shopping Mall como e parti di labor, a keda toca y atendi segun e mandatario y a palabra cu den futuro lo tin mas miho comunicacion pa por tin participacion den e desaroyonan di San Nicolas.

CENTRO COMERCIAL

E centro comercial, a wordo splica, ta uno no grandi sino mas bien esnan cu ta custumbra di tin den hotelnan (10 pa 15 localidad), pues e lo no tin efecto negativo riba e otro den e centro di San Nicolas. NoticiaCla.com no a haya comentario ainda di parti di Camara di Comercio.