Trahadonan di Elmar a bay den accion di 2 ora awe mainta

ORANJESTAD – Trahadornan di NV Elmar a bay den accion diaranson mainta pa 2 ora (7:30-9:30am) pa protesta e hecho cu ainda ta kitando 12.6% di nan salario y cu no ta haciendo nada pa suavisa e situacion. Den un carta pa e director, e sindicato STA a manda splica cu a alerta e gerencia for di januari di e aña aki di e situacion fastioso pa e trahadonan. A dicidi di no actua ainda y warda e sentencia di sindicato SIWA (sindicato ruman di Elmar, cu ta representa trahadonan di WEB) riba e mesun tema cu nan gerencia. Na e occasion ey e sindicato a perde e caso, pero tabatin un punto den e sentencia (punto 5.13) unda cu huez ta sugeri pa partidonan sinta na mesa y wak si por renegosha e protocol actual. WEB si a hacie, pero Elmar ainda no. Como tal a dicidi di pone trabou abou. Gerencia a contesta e carta, den un tono cu e sindicato ta considera dictatorial y a manda un carta bek informando nan di esey. No ta conoci kico lo sosode aworaki despues di e accion aki. E gerencia di Elmar a informa cu ta dispuesto si pa sinta na mesa cu e sindicato pa wak kico por haci.