Gobierno ta elimina Toque de Queda entrante diahuebs awor

ORANJESTAD – E Toque de Queda imponi for di 10’or di anochi ta keda cancela entrante diahuebs awor. Y e horario di cierre di negoshi ta bira 12’or di anochi tambe. Esaki ta loke gobierno a anuncia diamars atardi laat. Mes momento a confirma cu scolnan ta habri diaranson, aunke tin informacion cu scolnan cu ta cay bou di SKOA si ta keda cera, debi na un problema cu e asunto di werksters. Ademas, pa loke ta e cantidad di hende cu por ta den un restaurant na mesa paden y pafo ta bira 6 persona. Por tin deporte cu publico, pero no mas cu 90 hende, entierro por tin 125 hende, y por tin 5 musico hunto pa toca, pero ainda no ta permiti baliamento. Y casnan por ricibi bishita, fiesta pero no mas cu 90 persona. Esaki ta mas pa asunto di casamento.