PG a pidi 4 aña di prizon pa ex minister:' E no ta realisa cu el a haci malo!'

ORANJESTAD – Awe merdia Procurador Bote Ter Stege a pidi e castigonan pa e 5 di e 6 sospechosonan den caso Ibis. E PG a cuminsa na bisa cu e ta considera Paul como criminal, y no ta haya cu Paul Croes ta realisa cu loke e la haci ta malo. E la bisa cu e no ta scucha Paul Croes bisa cu e la haci malo. PG ta haya cu e castigo duna pa huez biaha pasa tabata na su lugar. E ta haya tambe cu si Hof condena e ex mandatario na castigo di prizon, e mester bay KIA mesora. Esey ta encera 4 aña di prizon y 9 aña sin por actua como politico. Pa su casa Melony, a pidi 120 ora di trabou comunitario, 16 dia di prizon, 3 luna di prison condicional y 3 aña di proeftijd. 

OTRO SOSPECHOSONAN 

Den caso di e otro sospechosonan, PG a pidi absolucion pa sospechoso Y. Martinus, pa J. Wever mescos cu sentencia di prome instancia cu ta 5 mil florin di multa di cual 2500 condicional cu 3 aña di prueba. y pa Di Vecchia 40 ora di trabou, 2 siman di prizon condicional 2 aña di prueba of 20 dia di prizon pa comunidad. Pa N. Nuñez, a pidi 240 ora di trabou, 120 dia di prizon, y 3 aña di prueba.