Partido MAS a pidi pa reunion publico urgente riba tema di werksternan di SKOA y DPS

ORANJESTAD – Fraccion di partido MAS den Parlamento a pidi un reunion publico den Parlamento, pa haya claridad riba e asunto di e werksters di SKOA y otro scolnan. A pidi pa prome minister Evelyn Wever Croes presenta y duna cuenta riba e ‘inseguridad y falta di claridad di e werksternan cu ta resorta bou di Stichting Katholiek Onderwijs Aruba (SKOA) y esnan cu ta cay bou di Dienst Publieke Scholen (DPS). A recorda cu a haci un tipo di peticion asina caba for di luna di februari pero no a haya oido. A usa e hecho cu e presidente ta nobo y tin enseñansa na pecho, (Edgard Vrolijk di MEP), cu e speransa cu asina e por yama e reunion liher. A compronde tambe cu tin descontento y cu tin scolnan cu lo no kier habri dia 1 di September netamente debi na e problematico aki.