DOW a bin haya sistema di riool completamente bou di scuma

ORANJESTAD – Dialuna mainta na e asina yama Riool Water Zuiver Instalatie (RWZI) na Bubali, personal di DOW a bin encontra un situacion hopi fastioso unda cu un cantidad di scuma a bin aparece den nos planta di purificacion. Segun DOW, nan ta sigura cu diadumingo e planta no tabata tin scuma. Esaki ta mustra cu dialuna un cantidad di awa di laundry of un otro quimico relaciona cu habon a wordo tira den e sistema di riool. 

PLANTA NO TA FUNCIONA OPTIMAL 

Ta bon pa remarca un bes mas cu nos planta na RWZI no ta funcionando optimal manera mester ta, pero e situacion akinan tampoco lo haciele mihor. DOW ta bisa di ta spera cu e incidente lamentable akinan bira un senjal na tur cu nan mester hiba un maneho cu ta cumpli cu ley y reglanan y pa esaki no sosode mas.