Formacion di gobierno Hulandes ta mal pega atrobe!

DEN HAAG – E formacion pa un proximo gabinete Hulandes ta den un impasse atrobe. Asina prensa Hulandes ta raporta diamars. Segun informacion ta partidonan VVD y CDA a cera porta pa e coalicion di partido PvdA y GroenLinks. Si anteriormente tabatin impasse ‘tras di cortina’, awor e impasse ta ‘dilanti cortina’ tambe, esta publicamente. A compronde cu lider di partido D66-leider Sigrid Kaag no kier goberna cu partido Christen Unie. Esaki ta e resultado di e ultimo reunion cu e informador Mariëtte Hamer, cu awe a pone tur e problemanan hunto. Esaki a wordo haci publico pa cual awor ta papia di un impasse dilanti cortina. Tabata parce cu e unico solucion tabata un gobierno hunto cu partido CU. Pero esey tambe a bira un problema. “Ta keda na VVD pa haya un salida pa e impasse aki” e lider di D66 a bisa. Segun lider di CU, Segers, e formacion ta mes pega cu e tabata prome cu zomer. Tabatin eleccion dia 17 di maart ultimo, y ainda no tin un gobierno, 6 luna despues.