Miss Universe Aruba cu proyecto di concientisacion di Salud Mental: Feria di Arte y Salud

Miss Universe Aruba cu proyecto di concientisacion di Salud Mental: Feria di Arte y Salud

Posted on 08/31/2021 9:49 am AST | Updated on 08/31/2021 9:50 am AST

ORANJESTAD - Miss Universe Aruba, Thessaly Zimmerman, lo tene un campaña pa promociona e plataforma di Salud Mental. Esaki alavez ta e plataforma cu Thessaly a escohe y ta boga p'e, durante e competencia di Miss Universe 2021, cual lo tuma lugar na December di e aña aki, na Eilat, Israel.

Srta Zimmerman a anuncia su colaboracion cu diferente stakeholders den e tereno di cuido di salud mental y adiccion. Mirando cu tur aña riba dia 10 di October ta dia Mundial di Salud Mental (World Mental Healtg Day) a bin cu e idea pa hunto organisa algo pa e comunidad di Aruba. E tema di di dia Mundial di Salud Mental pa e aña aki ta *"Mental Health in an Unequal World"*, esta Salud Mental den un Mundo Inigual. Asina a nace e idea pa organisa un actividad cu ta ofrece tur hende e oportunidad di participa y alavez ricibi informacion valioso entorno salud mental. A pensa di promove e aña aki e uso di arte, como herment pa yuda cu salud mental. Manera ta conoci, arte ta wordo usa den diferente forma, den e cuadro di cuido di salud mental. Di e forma aki, ta haci uso di arte pa procesa y expresa sentimientonan, pero tambe por usa arte como metodo pa relaha, y cope cu entre otro ansiedad y stress. Esaki a hiba na e feria cu lo tuma lugar dia 23 di October bao nomber di *"Let's Art About Mental Health"*. Durante e feria aki, lo tin diferente art workshops cu por asisti, lo tin artesano y artistanan presebte y mucho mas. Igual lo tin oportunidad pa tur dunado di cuido den salud mental, pa ta presente y ofrece informacion y asina duna Aruba un bista completo di e diferente servicionan disponibel na Aruba.

Cu esaki ta haci un llamado na tur artesano y artista na Aruba cu kier participa na e feria unico aki, pa manda un email na [email protected] pa mas informacion of tuma contacto cu 6992007.

  • Fin di siman di pelicula nobo: The Movies ta lansa ‘Cry Macho’

    Fin di siman di pelicula nobo: The Movies ta lansa ‘Cry Macho’

    (ADVERTORIAL)

  • Club Kibrahacha 60+ a celebra nan di 36 aniversario cu un identidad visual nobo

    Club Kibrahacha 60+ a celebra nan di 36 aniversario cu un identidad visual nobo

    ORANJESTAD – Diahuebs Club Kibrahacha a celebra su 36 aniversario hunto cu su miembro, voluntario y ademas invitadonan. Club Kibrahacha a tuma e oportunidad aki pa introduci su logo nobo y tambe duna reconicimento na un voluntario cu a traha 35 aña na Club Kibrahacha.

  • Stichting Ambiente Feliz a tene apertura di prome fase di proyecto na Centro di Cuido

    Stichting Ambiente Feliz a tene apertura di prome fase di proyecto na Centro di Cuido

    ORANJESTAD - Stichting Ambiente Feliz  (SAF) ta orguyoso di por anuncia, despues di un trajecto largo, e apertura di e prome fase di e projecto na Centro di Cuido. E prome fase, un woonunit pa menor di edad entre 6 cu 18 aña, tin espacio pa un total di 6 mucha. Fase 2, un woonunit pa adulto entre18 aña y 55 aña di edad, tin espacio pa 6 persona. E intencion ta pa ehecuta fase 2 e aña aki tambe. Na 2022 SAF ta spera di por habri e di 3 woonunit pa adulto di 55 aña bai ariba. E woonunit aki lo ofrece lugar na 8 cliente nobo. 

  • Kiwanis Club of San Nicolas a tene su di dos Kids Summer Camp

    Kiwanis Club of San Nicolas a tene su di dos Kids Summer Camp

    SAN NICOLAS - Kiwanis Club of San Nicolas   a tene su di dos “KCSN Kids Summer Camp” pa muchanan na Teresita Center den augustus. Un camp organisa tur anja pa muchanan entre 6 cu 12 aña. E camp aki tawata uno exitoso y masha gusta door di e muchanan. Tawata tin hopi voluntario cu a yuda pa supervisa y guia e muchanan durante e dianan di e camp. Tur voluntario a pasa un training pa asina por a sa di guia y yuda e muchanan durante e camp.

  • Aruba Bank a gradici prensa riba nan dia awe

    Aruba Bank a gradici prensa riba nan dia awe

    ORANJESTAD - Aruba Bank a tuma e oportunidad aki pa pone miembronan di prensa central riba nan día y brinda nan  un obsekio en conexion cu e celebracion aki. E trabao di informa y educa nos comunidad objetivamente ta di suma importancia, y Aruba Bank ta gradici tur miembro di prensa pa nan bon trabao. Durante un "Press Tour" e team di mercadeo di Aruba Bank a bishita prensa y haci entrega di un aprecio special. Amigonan di prensa a keda masha contento cu e bishita y atencion, ta un custumber pa varios aña caba cu Aruba Bank ta celebra e día aki en grande. Cu boso por sigui eherce boso ocupacion cu hopi sabiduría y dedicacion. Pabien Prensa!

  • Kiwanis Club of Palm Beach ta cancela fiesta debi na brote di Covid19

    Kiwanis Club of Palm Beach ta cancela fiesta debi na brote di Covid19

    ORANJESTAD –  Kiwanis Club of Palm Beach dialuna a participa cu e Kiwanis Nostalgia Party 2021 lo keda cancela pa dia 4 di September y postponi te cu proximo aviso. E motibo pa esaki ta cu desaroyo di e situacion di pandemia lamentabel no ta permiti mas pa e evento por sigui riba e fecha programa. Directiva di Kiwanis Club of Palm Beach lo sigui monitoria e situacion di pandemia pa determina na ki momento den futuro e evento lo por tuma lugar den un forma responsabel.

  • Powered by SETAR