Vd Biezen: Lo inicia caso di confiscacion contra ex minister Paul Croes

ORANJESTAD – Na luna di October, (dia 28) Ministerio Publico ta inicia un caso di confiscacion, osea 'ontnemingszaak' contra ex minister Paul Croes y su señora, cu ta nifica basicamente cu lo pidi huez pa e pareha paga un suma cuantioso di placa bek, sea na placa of propiedad, cu nan lo a adkeri na un forma illegal, via actonan coruptivo. Por compara esaki cu e caso di ex premier di Corsou Gerrit Schotte cu banda di e caso penal, tambe a haye cu un caso similar unda cu e mester a paga bek 1.3 miyon florin of sinta un castigo extra di prizon. No ta conoci cuanto placa ta ‘den wega’ e biaha aki pues di cuanto placa ta papia cu e pareha lo mester paga bek. A haci un analisis riba tur nan propiedadnan, basa riba e salario cu nan tin y por a saca afor segun ministerio publico cu e salario ey, nan lo no por a yega na e loke cu nan tin den nan poder. Fiscal  mr Patrick vd Biezen a confirma cu e caso ey lo tuma lugar dia 28 di October proximo. 

 .