DIMP: Tin 22% di number di auto di 2021 no ta paga ainda of no completo

ORANJESTAD – Un total di 67.243 number di auto (75%) di 2021 ta completamente paga. Asina vocero di departamento di impuesto  a cumpli. Di otro banda, tin 22% no a cumpli of no a cumpli completamente (19.424). Di esey tin 7831 cu a cumpli cu pago di mitar aña y 11593 cu no tin nada paga ainda di e aña. Y tin 3% di e plachinan cu a wordo entrega bek.

NAHEFFING

Mirando cu e tempo a vence, (2 di augustus 2021), e grupo cu no a cumpli, ta hayando (den e dianan venidero) un asina yama naheffings aanslag cu ta inclui 50% di e boet administrative pa incumplimento. Si dado caso mientrastanto nan a paga caba, nan no mester preocupa cu e informacion ey.