Corte: Dialuna ta cuminsa trata hechos y circumstancianan personal di caso Ibis

ORANJESTAD – Awe mainta 9:45am Corte di apelacion a inicia pa trata e caso Ibis un biaha mas. E caso ta inclui e sospechoso principal, ex minister Paul Croes y su señora Melony. E intencion tabata pa awe mainta trata e.o. e hechos y circumstancianan personal di e sospechosonan Nunez, di Vecchia, Martinus y Wever. Despues di merdia, lo cuminsa trata e demas hechos den e caso Croes, su casa y tambe nan circumstancia personal. Fiscal Patrick vd Biezen a confirma esaki pafo di corte dialuna mainta pa noticiacla. 

REKISITORIO

Pa loke ta e di dos dia, Corte a reserva diamars mainta pa eventual prolongacion di e tratamento di hechos y circumstanciannan personal di e respectivo sospechosonan. Y pa merdia, lo cuminsa cu su rekisitorio, pues e demandanan cu Ministerio Publico tin contra e respectivo sospechosonan. 

DIARANSON Y DIAHUEBS

Pa diaranson henter dia, Corte tin reserva pa trata e defensa di e respectivo sospechosonan y pa diahuebs mainta e repliek y dupliek di partidonan en cuestion.