Vd Biezen: Ministerio Publico lo bringa parti di absolucion cu ex minister Paul Croes a haya den Ibis

ORANJESTAD – Ministerio publico a apela e sentencia contra ex minister Paul Croes pa e parti cu Croes a haya absolucion, y e termino di castigo a pidi pa kita e passief kiesrecht pa tempo maximo, pero huez no a atende e asunto aki. Como tal ministerio publico a apela esaki tambe. Asina fiscal Patrick vd BIezen a bisa  dialuna mainta pafo di Corte durante un conferencia di prensa. Mas specifico, pa loke ta e absolucion, tin e parti huridico si tabatin donacionan haci den dos ocacion si of no y si ta considera esaki un donacion y pesey kier trata esaki di nobo. 

Tambe tin e reclamo di parti di defensa cu ta argumenta e detencion di mas di 80 dia den KIA di un forma no humano, y si esaki ta hustifica of no. Segun vd Biezen na noticiacla, esaki tambe lo wordo trata awe mainta. E ta mustra cu segun huez comisario e tempo ey, a dicidi cu e forma con a anda cu sr Croes den KIA no tabata illegal, y awor ta keda na e tres hueznan, si enberdad e loke a sosode tabata illegal si of no.