Formador: Turismo y Energia ta bay pa MEP, agricultura y pesca pa partido RAIZ

ORANJESTAD – E ‘carteranan di Turismo y tambe Energia ta bay cay bou di partido MEP, mientras cu e parti di Agricultura y Pesca ta bay cay bou di partido RAIZ. E la wordo laga afo aworaki di e lista inicial menciona, pasobra e no ta cay bou di un departamento di gobierno sino ta un instancia ‘riba distancia’ y ta un cambio cu e gabinete kier trece. Como tal riba un otro fecha, lo anuncia ken ta e personanan cu ta haya e carteranan ey, Asina formador Evelyn Wever Croes a clarifica diabierna atardi durante un conferencia di prensa riba e tema.  Ademas a splica cu intencionalmente a separa Economia di Turismo, pa asina por logra diversifica nos economia. Si tin turismo y economia hunto, e intencion di diversifica e economia, lo no haya e atencion debido. 

URSELL ARENDS

Pa loke ta e carteranan cu RAIZ a haya, ta carteranan cu RAIZ a para pe durante campanja y eleccion. Segun su lider Ursell Arends, ora cu a cuminsa cu e negosacion, a pone delanta kico ta e carteranan cu nan lo kier y e ta sigura cu nan a haya tambe tur e carteranan cu nan a pidi pe. E empenjo ta pa brinda pueblo un gobierno stabil. “Nos momento a yega pa brinda comunidad e solucion cu e ta spera” sr Ursell Arends, lider di e partido RAIZ a bisa. 

CANDIDATONAN

Ainda falta e nomber di e candidatonan pa e respectivo carteranan y esey lo ta canando tambe. Unabez cu esaki ta cla y cu e screening, lo divulga nomber di e respectivo candidatonan. No a pone un fecha ainda pa esey si.