Bonaire ta prolonga medidanan contra Covid19 te 1 di october

KRALENDIJK – Bonaire ta prolonga medidanan actual contra Covid19 te cu dia 1 di October proximo. Asina gezaghebber di e isla Edison Rijna a bisa. Esaki no obstante e hecho cu den e delaster simannan e cantidad di caso di contagio cu COVID tabata abou y el  a keda stabil. Awor aki tin 20 caso activo di COVID-19 na Boneiru.  “ Na e momentonan akí no ta responsabel pa suavisá e medidanan eksistente. Te ainda tin e menasa di un brote grandi di e variante di Delta. Manera ta konosí hende ta pega muchu mas lihé ku e variante akí.  P’esei nos ta prolongá e medidanan aktual di nivel di riesgo 2 te promé di òktober 2021” e mandatario a bisa.  

MEDIDANAN

Esaki ta nifica entre otro cu no ta permiti pa mas cu 50 persona bini hunto. Ta permití un maxsimo di cien hende na evento.  Pa mas informacion por bay ribawww.bonairecrisis.com A pidi tambe na sector horeca pa no organisa fiesta grandi. Y a usa Aruba y Corsou como ehempel di con fiestanan den horeca a crea brote. 

BUBBLE

Manera cu e portal aki a anuncia caba, Bonaire a cancela e bubble cu islanan Aruba, Corsou y St Maarten temporalmente. Esaki debi cu nan a bira pais di riesgo halto. Awor biaheronan di e islanan aki pa Boneiru cu ta full vacuna  tambe mester hasi test pa bini e isla. Entrante awe  Boneiru ta bira pais di riesgo haltlo pa Corsou. Biaheronan  di Boneiru cu ta biaha  pa Aruba y Corsou y ta biaha bek denter 48 ora despues di a test, no mester test di nobo pa biaha bek pa Boneiru.  Nan resultado di test ora nan a sali di Boneiru ta balido ainda.