Van Gaal a hinca Denzel Dumfries toch den seleccion definitivo Hulandes di futbol

AMSTERDAM – E coach di seleccion nacional di futbol Hulandes Louis van Gaal toch a dicidi di añadi Denzel Dumfries na e lista definitivo di hungadornan. Tambe hungadornan Steven Bergwijn, Malacia y Rensch ta hunga awor. Inicialmente van Gaal a laga Dumfries afo. Pero awor el a anuncia su seleccion definitivo y a dicidi pa toch añadi Dumfries. Esaki sigur ta haci e weganan mas interesante pa simpatisantenan di e seleccion Hulandes na Aruba cu ta sinti nan mes un poco mas uni debi na e participacion di Dumfries, debi cu su tata ta Rubiano.  E seleccion ta topa Noruega na Oslo dia 1 di September, despues Montenegro dia 4 di September y Turkia dia 7 di September. Hulanda ta # 2 den su grupo cu un punto menos cu Turkia, y empata cu Noruega y Montenegro. Solamente e ganador di e grupo ta pasa directamente pa e Copa Mundial di otro aña na Qatar.