RIVM: Tin un cantidad halto di contagio di Covid19 entre esnan completamente vacuna na Aruba

ORANJESTAD – Tin un cantidad halto di contagio di Covid19 entre esnan vacuna na Aruba. Asina e ultimo rapport di Rijks Instituut Volks Gezondheid & Milleu (RIVM) ta raporta. Ademas ta bisa cu no obstante cu e cantidad di contagio di Covid19 a reduci drasticamente na Aruba,  RIVM ta haya cu e cantidad ta keda alarmantemente halto.  

HOSPITALISACION TAMBE TA HALTO

“E cantidad di hospitalisacion tambe ta preocupante” e rapport ta sigui bisa. Interesante ta cu segun RIVM, e number halto di persona vacuna cu ta infecta, no ta keda refleha den e cantidad di hospitalisacion: Solamente 1 di cada 5 persona hospitalisa desde 1 di juli, ta parce ta completamente vacuna. 

CANTIDAD DI MORTO 

E cantidad di morto tambe ta considera como halto segun RIVM. Nan ta menciona e 11 personanan cu a muri den e siman cu a pasa. Ayera e portal aki a raporta cu e luna aki so (sin cu e luna a caba) 22 persona a fayece a consecuencia di Covid19. Por lesa e rapport completamente AKI.