Hof a mantene castigo bida largo pa Elvis “Monster” Kuwas

WILLEMSTAD – Sospechoso principal di e caso di asesinato di politico Helmin Wiels, Elvis “Monster” Kuwas su castigo di bida largo ta confirma. Asina Hof a declara awe merdia den corte di apelacion. Despues di e trata e caso di nobo luna pasa, awe tabata e dia di sentencia di tur esnan cu a apela nan sentencia inicial. Den caso di e otro sospechosonan, tambe Hof a mantene e sentencia di e hues original y a basicamente reconfirma e sentencianan. E unico cos cu ta keda e sospechosonan, ta pa nan bay corte di Casacion. Y pa loke ta e lugar unda cu Kuwas tin cu sinta su castigo, Hof a bisa cu ta Ministerio Publico ta dicidi esey, y no Hof.

KUWAS

Den caso di Kuwas, Hof ta haña cu ta un castigo ta na su luga i esei ta bida largo i ta mantene esei pa Kuwas.

Prueba den caso di Kuwas ta, segun Hof, suministra den tur e casonan cu a bin dilanti. E pruebanan contundente ta corecto.

PIETER Y DAMASCUS

Huez ta bisa cu tanto Pieter komo Damascus no ta sospechoso den caso di asesinato di Wiels. Den e caso aki, vrijspraak pa culpabilidad ta keda pará pa Hof tambe. Tur dos tabata presente djis prome cu e asesinato, pero no tin suficiente prueba cu nan a colabora pa por hasi e asesinato realidad. Huez a bisa D'Amascus tocante su castigo cu Hof ta keda cu e castigo cu e prome huez a dicta y e castigo ta keda ocho aña. Hof ta sostene culpabilidad di Pieter den atraco riba dama venezolano. Huez ta duna Pieter e mesun strafkorting cu e prome Huez a duna. E castigo ta keda 18 luna kitando aresto preventivo. Tambe e castigo di prome huez ta keda mescos. E ta liber definitivamente. Huez finalmente a bisa cu nan tur por bai den casasion dilante Corte Supremo y Huez a sera e caso.

Raportahe colabora pa Yves Cooper. Foto archivo cortesia E Vigilante