Awor DVG ta introduci walk in pa 60+ pa vacuna

ORANJESTAD  - Awor Directie Volks Gezondheid (DVG) ta introduci walk in pa 60+pa vacuna. Asina nan a anuncia diahuebs. Segun DVG, mirando cu nos grandinan ta keda e grupo mas na risico pa COVID-19, DVG ta kita cita y ta introduci walk in pa 60+. 

FALTA AINDA

Den e categoria di 60+ falta ainda 6,695 persona pa vacuna. DVG ta haci yamado na yiu y nietonan, pa duna un man y trece nan mayornan, trece nan welonan y yuda nan ta proteha.

AMOR PA BO MES 

Vacuna no ta solamente un acto di solidaridad y responsabilidad conhunto caminda niun hende por keda atras; pero mas tanto, vacuna ta un acto di amor pa bo mes, bo famia y bo pais!