Radisson Aruba Resort a eligi nan supervisor y manager di 2014

ORANJESTAD  - Recientemente durante un celebracion di gala den e Grand Caribbean Ballroom di Radisson Aruba Resort, a tuma luga premiacion di Supervisor y Manager di Aña 2014. Ambos categoria tawata consisti di nominado nan fuerte, cu ta destaca den nan trabou pa nan dedicacion na e compania, nan actidud positivo, nan liderazgo y nan profesionalismo. Na final di anochi, e titulo di Manager di Aña a bai pa Hector Espinoza y Supervisor di Aña a keda den persona di Marilu Erasmus.

Aparte di e ganado nan, e nominado nan pa e titulo di Manager di Aña tawata Alcira Acosta di Accounting, Audrey Wolff di Catering & Conventions y Ckaren de la Cruz di Reservations. E nominado nan pa Supervisor di Aña tawata Helena Dake di Accounting, Visia Morales di Casino y Milaine Aristomene di Housekeeping. Cada un di e dama nan aki ta berdado lider den nan departamento, y nan cualidad primordial ta nan abilidad pa motiva y yuda tur esnan rond di nan. Adhunto por aprecia momento cu gerencia di e hotel a haci entrega di e premio nan na e feliz ganador nan y nominado nan. Un gradicimento special ta bai na e team di Departamento di Recurso Humano esta Angelique, Karminah, Eugenille, Carmen y Glenn cu a haci e celebracion aki uno inolvidabel.