Caso Ibis lo wordo transmiti pa lugar externo di Corte debi na reglanan contra Covid19

ORANJESTAD – Debi na e medidanan cu Corte di Husticia di Aruba mester a tuma pa evita contagio di Covid19, tin lugar limita pa tratamento di e caso Ibis otro siman. Asina corte a informa e siman aki. E lugarnan cu ta disponible, ta reserva pa famia y otro interesadonan. Como tal a opta pa transmiti e caso pa un otro lugar externo pa duna mas interesado e oportunidad pa sigui e caso publico aki for di un distancia. Como lugar, a scohe Piedra Plat Entertainment Center. 

E CASO

E caso mes lo tuma lugar cuminsando dialuna 30 di augustus for di 9’or y mei di mainta te cu dia 1 di September. E lugarnan externo ta disponible estilo ‘first come, first serve’, esta cu lo no reserve lugar pa ningun hende. Ta rekeri pa tur hende tin nan tapaboca bisti y tene distancia social.