N.V. ELMAR: Tabatin diferente incidente debi na cantidad di awa cu a cay

ORANJESTAD  - E cantidad grandi di awa cu cay combina cu biento duro por causa hopi daño na e infrastructura di N.V. ELMAR. Asina e compania di utilidad a recorda diamars atardi, relaciona cu e cantidad grandi di awa cu a cay, primordialmente diamars. 

SUELO SATURA Y PAL’I LUZ

E suelo ta satura y bira moli cual por causa cu pal’i luz por kentel of hasta cay. “Esaki ta totalmente fuera di nos control” Elmar ta sigui bisa. “Ademas e yobida aki ta causa cu e matanan ta bira mas pisa y por kentel of cai riba nos liñanan cu consecuencia cu esakinan por laga los y causa daño”.

DAÑONAN CAUSA 

Pa casonan cu a tuma lugar ayera y awe, N.V. ELMAR  y su tecniconan tin e debido atencion riba e incidentenan cu a surgi.

“Nos ta pidi pueblo pa ta cauteloso y tene distancia si mira cu un situacion similar.Pa cualkier eventualidad por yama N.V. ELMAR na 5237100 y/of Storingsdienst na 5237147” e compania ta finalisa bisando. NOTA: E potret ta di archivo di noticiacla di un caso di palo cu a cay riba un cura di cas despues di un yobida fuerte na juli di 2020 y cu mester a keda atendi.