Hulanda a aproba mas ayudo pa ICU di Aruba pa alivia HOH

ORANJESTAD – Tin mas ayudo na caminda pa Aruba pa ICU pa hospital. Asina minister demisionario di salud Dangui Oduber a bisa noticiacla dialuna. Tabata Secretario di estado Hulandes pa Salud Paul Blokuis cu a bai di acuerdo cu e peticion cu Aruba a haci siman pasa dialuna pa manda mas personal pa nos pa yuda nos Dr. Horacio E. Oduber Hospital. “Lo tin 10 enfermero pa ICU na caminda y 2 intensivista” e mandatario a bisa. Director di hospital Jacco Vroegop a confirma esaki un dia prome pa noticiacla y cu e ta contento cu e ayudo di Hulanda. “Un danki di curason na secretario di estado Blokhuis pa cumpli cu nos peticion. Hunto nos lo bai sali for di e situacion fastioso aki.” E mandatario a finalisa cu su mensahe.