Un grupo di 14 dama a inicia nan di dos chens den bida cu e programa di SVT

SAVANETA – Dialuna, despues di 4 aña di preparacion, a inicia e Servicio di Formacion Social pa damas, despues cu antes esaki tabata solamente possible pa homber. Ta trata di personanan cu ta haya un di dos chens den bida, pa nan por rehaci nan bida, pa medio di e formacion aki. Minister demisionario di asuntonan social Glenbert Croes tabata presente pa esaki y e tabata esun cu 4 aña pasa a propone pa duna nos hobennan femenino tambe e oportunidad pa por forma parti di e trayecto di Formacion Social, pa nan tambe por tin e chens di rehace nan bida, cu un formacion nobo cu lo crea e futuro nobo cu nan tin derecho riba dje.  E formacion ta tuma lugar na Mariniers Kazerne, bou liderazfgo di Jessica Ras cu ta hoofd SVT. E mandatario ademas a mustra cu e ta ta orguyoso di nos Arumil bou liderasgo di Capitan Kelly y ta hopi agradecido na Commandante di  Marinierskazerne y Ministerio di Defensa pa e apoyo y pa kere den e vision aki. Formacion Social/SVT ta e inspiracion pa bin cu trayectonan igual den otro paisnan di Reino Hulandes. Aruba ta e prome y awo cu e trayecto pa mucha muhenan, Aruba un bes mas ta marca historia. E nomber a di e prome 14 participanten, lo wordo graba pa semper pasobra nan ta e fundeshi pa e continuidad di e proyecto aki.  Potret ta di Facebook di minister demisionario Glenbert Croes.