Aruba a sinti efecto di Ola Tropical awe mainta cu yobida fuerte

ORANJESTAD – Mescos cu un dia prome, diamars mainta tempran Aruba a sinti e efecto di e ola tropical cu ta moviendo den parti oost central di Caribe. E humedad a pone cu varios nubia di awacero a forma y a basha formal den oranan di mainta, creando basta stagnacion den trafico y cierto camindanan di custumber inunda. E diferencia ta cu debi cu ultimo añanan a traha riba e sistema aki, areanan cu antes tabata keda inunda pa varios ora, awor despues di un rato ta libera caba di e awa.