Kiwanis Club of Palm Beach ta cancela fiesta debi na brote di Covid19

ORANJESTAD –  Kiwanis Club of Palm Beach dialuna a participa cu e Kiwanis Nostalgia Party 2021 lo keda cancela pa dia 4 di September y postponi te cu proximo aviso. E motibo pa esaki ta cu desaroyo di e situacion di pandemia lamentabel no ta permiti mas pa e evento por sigui riba e fecha programa. Directiva di Kiwanis Club of Palm Beach lo sigui monitoria e situacion di pandemia pa determina na ki momento den futuro e evento lo por tuma lugar den un forma responsabel.

KIWANIS NOSTALGIA PARTY

Kiwanis Nostalgia Party ta un iniciativa di Kiwanis Club of Palm Beach pa recauda fondo pa nos communidad. Ehempel di proyectonan ehecuta dor di Kiwanis Club of Palm Beach ta inclui e proyecto di Watercoolers pa Skolnan, Child Seat camapigns, ademas di donacionnan na un variacion di fundacionnan manera Cede Aruba, Hungateca, YMCA, Casa Cuna y mas.

RESPETA PROTOCOL

Kiwanis Club of Palm Beach kier tuma e oportunidad aki pa haci un apelacion na henter nos comunidad pa respeta e protocolan di COVID-19 cu ta na vigor pa contene e situacion di pandemia. Ademas Kiwanis Club of Palm Beach ta recomenda un y tur pa haci uso di e vacuna contra COVID-19 pa sina proteha bo mes y otronan.