Casonan aumentando di cachonan di caya importa, cu tin problema di conducta

UTRECHT - Expertonan di e facultad di Veterinario di Utrecht ta mira mas y mas cachonan di caya adopta di exterior cu problema di conducta. Asina e portal Hulandes NOS ta raporta. Durante e pandemia, mas y mas hende a adopta un cacho di caya di exterior pa Hulanda, segun e Universidad. Aki ta unda cu a nota e aumento di e problema di conducta. Segun e expertonan, cachonan di caya hopi biaha mester di hopi guia. Y hasta cu hopi y bon guia, e chens ta grandi cu e cachonan no ta adapta suficiente na e bida di Hulanda, e Universidad ta sigui bisa. 

E prome 12 simanan ta crucial

Comienso di aña mitar di e cachonan di e clinica di conducta tabata importa di exterior. Un cantidad di e cachonan aki a wordo poni drumi mientrastanto debi na miedo excesivo, segun biologo di conducta, Claudia Vinke. Esaki ta algo hopi pero hopi tristo, y varios doño di cacho ta cana tristo cu nan cachonan pa hopi luna. 

 Cachonan adopta por sinti nan mes hopi straño na Hulanda, e expert ta sigui bisa. Si nan ta socialisa na nan pais riba otro cacho, y tin un custumber cu otro cachonan di caya pero no cu hende, por tin problema hopi serio. Pesey e prome 12 simanan ta hopi crucial pa e conducta di e cacho. Un grupo grandi di cacho den e clinica a wordo haya como un cachoro descuida na e pais di stranheria. E pronostico pa e cachonan aki hopi biaha ta hopi malo. E fase di socialisacion hopi biaha bo no por drecha mas. 

E dunamento di amor y atencion no ta suficiente pa haci un cacho social. E cacho no por anda cu tur e atencion y ta sinti su mes straño y ta keda cu miedo pa tur cos y tur hende rond di dje, e experto a sigui bisa. Y e doño nobo ta sinta cu tur e tristeza pasobra loke mester a bira un rescate, ta bira un fiasco. Como tal e facultad ta pidi pa sostene instancianan cu ta yuda cachonan di caya. Y pa señal di problema di conducta di bo mesun cacho, pa busca ayudo di experto mesora.