Delegacionan Parlamentario di Aruba, Corsou y St Maarten a tene reunion tripartit na Bonaire

KRALENDIJK – Diadomingo delegacionan Parlamentario di Aruba, Corsou y St Maarten a tene nan reunion Tripartit manera custumber, como antesala di e reunionan Inter Parlamentario di Reino (IPKO) cu ta tuma lugar na Bonaire. Ta prome biaha despues di e pandemia di anja pasa, cu e reunionan ta tuma lugar ‘en vivo’ envez di forma virtual. Un di e temanan treci dilanti tabata esun di geschillenregeling unda cu ainda no tin nada concreto debi na e postura di gobierno Hulandes. E reunion di IPKO mes ta cuminsa entrante dialuna awor.