Total di 2195 persona a vacuna durante e di 3 vacunathon

ORANJESTAD – Un total di 2195 persona a vacuna durante e di 3 vacunathon diadomingo. Asina minister demisionario di Salud Dangui Oduber a confirma diadomingo atardi na noticiacla. Tabata siman pasa cu Dvg, Svb, Azv, Ata y Ahata a anuncia e vacuntahon 3.0 cu lo mester tuma lugar awe diadmomingo 22 augustus 2021. E vacunathon aki tawata hopi importante considerando e e situacion actual di Covid-19 nan Aruba y tambe e demanda cu tin pa vacuna na Aruba.

HOPI INTERES

Manera cu e portal aki a raporta inicialmente, tabatin hopi interes for di comienso, cu e crea filanan largo pafo, manera potretnan tabata mustra. Ya den dos ora, a logra vacuna 500 persona y rapidamente su tras cifranan a sigui aumenta y a yega 1000 y despues 2000. Ora cu 4 or a yega, ainda tabatin fila dus a lague habri un poco mas y finalmente ta 195 extra a logra vacuna. E meta tabata pa vacuna entre 2000 pa 2500 persona riba un solo dia. 

SITUACION TENSO. 

E situacion actual na Aruba ta hopi tenso. No tin espacio di ICU na nos hospitalnan, tin un grand cantidad di patient cu Covid ta wordo manda Colombia y nos hospital ta bao di un presion enorme. E data cu a tricibi for di hospital ta indica cu mas di 81% di esnan hospitalisa no ta vacuna. Esaki ta un indicacion cla cu e vacuna ta duna resultado cu nos ta buscando. Den fin di siman gobierno mester a escala varios medida na momento cu hospital a bat alarma. No a keda nos otro, aunke con dificil e decisionan por ta, pa introduci mas medida pa baha e contagio y baha e presion cu tin na nos hospital. Na momento cu nos no por garantiza cama mas pa patientnan esaki ta un problema hopi serio. A haci un yamada na communidad di Aruba pa bai masalmente vacuna y nos ta hopi contento y agardecido cu un biaha Aruba a responde na e yamada pa bai vacuna. For di mainta trempan nos a nota e entusiasmo den nos hendenan pa vacuna y e dia tawata uno hopj fructifero y exitoso.