Aruba a registra 2 morto mas pero casonan activo a baha bou 1000

ORANJESTAD-  Aruba a registra dos morto atrobe awe pa Covid19. E bon sinembargo ta cu e casonan activo a baha basta y ta bou di 1000 atrobe. Esaki debi cu tin un grupo di mas di 300 persona a recupera, segun Crisis Team. E casonan nobo tambe a reduci bou di 100, y tin awor 69 caso nobo awe. Segun e mesun resumen di awe 337 persona a recupera. Pa loke ta e casonan nobo awe, 6 ta turista y 63 ta residente. E cifranan aki ta representa un 'Positivity rate' bou di nos residentenan di 20%. Cantidad di casonan activo di COVID-19 pa awe ta 793 y cantidad di fayecidonan relaciona cu COVID-19 a aumenta na 126 cu fayecimento di 2 residente, uno vacuna y uno no vacuna. Esaki ta hiba e data di fayecido desde 1 di juli na 18 fayecido di cual 4 ta vacuna y 14 no ta vacuna. Forsa na famia di e fayecidonan  

Datos di COVID ta ilustra casonan nobo cu un average semanal di 94 caso pa dia y un average di 'positivity rate' semanal di 26% pa dia.

HOSPITAL 

Tin actualmente 72 persona  interna cu COVID di cual 11 ta den ICU na Aruba cu ta 2 mas cu ayera, 14 den ICU na Colombia, 45 riba piso general na Aruba, 1 riba piso di maternidad na Aruba y 1 mucha riba pediatria. E bon ta cu 11 persona no ta den hospital riba piso ‘regular.