Atrobe tin mucha interna den hospital cu Covid19 na Aruba

ORANJESTAD – Algun dia pasa tabatin caso di algun mucha cu Covid19 hospitalisa. Nan a recupera mientrastanto, pero awor atrobe a keda registra un mucha den pediatra cu ta contagia cu e coronavirus. E edad no ta conoci. Ademas, e cantidad di persona cu ta hospitalisa cu Covid19 ta aumentando y ta yegando 100. Tin actualmente 83 persona interna cu COVID di cual 9 ta den ICU na Aruba, 14 den ICU na Colombia, 56 riba piso general na Aruba, 2 riba piso di maternidad na Aruba y 1 mucha riba pediatria.