RIVM: Mas di mitar di e contagio di Covid19 di islanan 'CAS', ta di Aruba

ZEIST/ORANJESTAD – Mas di mitar di e casonan di contagio di coronavirus Covid19 registra riba islanan Aruba, Corsou y St Maarten (Islanan CAS), ta bin di Aruba. Mas of menos 55%. Asina Rijks Instituut Volksgezondheid & Milleu (RIVM) ta bisa diahuebs den su rapport semanal. E cifra registra den e siman di 12 pa 18 di augustus ta 1501. Di esaki, Aruba tin mas of menos 55%. Ademas RIVM ta keda preocupa cu e forma con, aunke no sorpresivo, e variante Delta a bin ta desaroya su mes riba islanan CAS. 

MUCHA

Loke tambe RIVM ta raporta ta cu mas mucho bou di 18 aña ta contagiando cu e virus, y cu e hospitalisacion di casonan ta subiendo di un forma alarmante. Pa no papia di e cantidad di mortonan na Aruba relaciona cu Covid19 tambe ta ‘subiendo di un forma alarmante’. E raportahe di RIVM ta mustra pues claramente cu e isla cu mas problema cu e virus aworaki, ta Aruba. Pa lesa e rapport original completo, click AKI