E shiploader di coker unit di refineria a collapse y cay den laman

SAN NICOLAS – Awe marduga asina yama e shiploader di e coker plant of unit cu ta traha petroleum coke (Pitch) , osea pet coke di refineria a collapse,  y cay den e laman eynan. Pa stranjo cu por zona, e informacion tabata wanta keto, y ta te anochi a bin haya sa di e incidente aki cu por tabatin henter un otro desenlase. Mientrastanto for di director di Bureau Rampenbestrijding Rino Hermans, noticiacla a comporonde cu menos mal no tabatin petroleo eyden cu por a cay den e laman causando  danjo na medio ambiente. A mustra cu ningun di e motornan y of otro area tabatin azeta aden. Si tabata otro, e azeta lo a derama den laman cu consecuencia desastroso ecologico y tambe pa trafico maritimo. “Esey no ta e caso aworaki” Hermans a bisa. Ademas e la sigura cu e no ta un peliger pa trafico maritimo. Aruba pues a scapa di un posibel catastrofe di medio ambiente, si tabatin azeta y otro material presente. Algo cu pues den e caso aki, no ta asina. 

PET COKE

Petroleum Coke of pet coke (pitch) ta un producto secundario di e petroleo refina, cu poir wordo usa pa varios cos.