Menasa veridico di asesinato contra un minister di Corsou

WILLEMSTAD – Un menasa veridico contra bida di minister di husticia di Corsou Nelson Navarro, a pone cu e ta ricibiendo extra proteccion algun dia caba. E noticia mes di e menasa a bin sali na cla e siman aki, aunke cu oficialmente ningun hende kier papia di esaki. For di fuentenan di Corsou, NoticiaCla.com a compronde cu ta trata di un orden di asesinato di e mandatario, y cu esaki lo mester sosode pa personanan venezolano cu ta riba e isla actualmente. E intencion inicial tabata pa likida e mandatario durante dianan di carnaval, y probablemente riba e dia di gran marcha (parada grandi) diadomingo ultimo. Pero debi cu e servicio di inteligencia di Corsow (VDC) a haya e informacion prome, nan a percura pa cambia e ‘schedule’ di e mandatario, unda cu a pone keda cas bou di proteccion. E siman aki e mester a topa mandatarionan hulandes (Teeven) entre otor, pero a cancela esaki debi cu e ta sufriendo un kebranto di salud tambe. Foto cortesia di Dick Drayer