Aruba tin dos morto mas y 56 caso positivo nobo di Covid19

ORANJESTAD- Aruba a registra dos morto mas dialuna y 56 caso positivo nobo di Covid19. E mortonan ta dos persona di edad riba 75 aña y cu no tabata vacuna.  Segun resumen di awe 112 persona a recupera. Di e 56 casonan nobo,  3 ta turista y 53 ta residente. E cifranan aki ta representa un 'Positivity rate' bou di nos residentenan di 29%. Cantidad di casonan activo di COVID-19 pa awe ta 1026 y cantidad di fayecidonan relaciona cu COVID-19 awor ta aumenta na 121 cu fayecimento di e 2 residente. Condolencia y forsa na famia di e fayecidonan. Datos di COVID ta ilustra subida di casonan nobo cu un average semanal di 119 caso pa dia y un average di 'positivity rate' semanal di 29% pa dia.

HOSPITAL

Hospital tin actualmente 59 persona interna cu COVID di cual 6 ta den ICU na Aruba y 8 den ICU na Colombia, 41 riba piso general y 1 riba piso di maternidad (hende muher na estado).