Presidente Mericano ta para tras di su decion pa saca trupanan Mericano di Afghanistan

WASHINGTON – Presidente Mericano Joe Biden a bisa dialuna cu su decision pa saca trupanan Mericano for di Afghanistan tabata esun corecto. Biden a bolbe di su cas di vacantie pa duna e discurso nacional aki. Esaki mirando e turbulencia e fin di siman aki na Afghanistan. Manera ta conoci, Taliban a logra tumba e gobierno actual y a tuma mando di e pais den fin di siman. Dialuna imagenan horendo di miles di ciudadano di e pais tabata purba subi avionan comercial y militar den un intento pa bandona e pais. E decision pa saca trupanan Mericano ta despues cu Merca tabata presente pa 20 aña caba. Segun Biden, e gobierno cu a cay awor na man di Taliban, no a cumpli cu nan mission di bringa Taliban bek y e presidente a bandona e pais. Biden a bisa cu e no ta bay sigui cu e guera aki cu no tin beneficio Mericano.