Formacion di gobierno Hulandes a sigui awe despues di ta pega 4 siman

DEN HAAG – E formacion di un gobierno Hulandes a sigui atrobe despues di tabata pega pa 4 siman. E siman aki varios partid politico lo papia cu informador  Mariëtte Hamer riba e documento cu lidernan di D66 y VVD a traha ultimo simanan. Esey lider di D66, sra Kraag a bisa despues di a reuni cu Rutte y Hamer. No por a duna un tempo pa esaki termina pero a bisa cu ‘tin pura’. E partidonan cu kier forma tambe, banda di VVD y D66 ta CDA, ChristenUnie, PvdA y GroenLinks.  Pero tin problema eynan unda cu p.e. D66 no kier traha cu Christen Uni, y VVD y CDA no ta wak nan mes trahando cu PvdA y Groenlinks. Mayan ta haci 5 luna cu Hulanda a tene su eleccion pa Tweede Kamer 2021.