DVG: Solamente 55% di nos comunidad completo ta vacuna contra Covid19!

ORANJESTAD – Apenas un promedio di 55% di nos comunidad completo (0-100 aña) ta vacuna na e momento aki pa cual motibo nos tin pa sigui enfatisa ariba e importancia pa vacuna.  Apenas, pasobra a bringa pa esaki ta 80% pa e efecto di ‘herd immunity’ tin sentido. Como tal ta bisa cu mas hende vacuna Aruba tin, menos contagio cu complicacion lo tin y menos posibilidad di hospitalisacion y morto. 

ESNAN MAS VULNERABEL

Segun analisis di cifranan actual, e categoria di edad cu ta mas vulnerabel debi na un grado di vacunacion hopi abou ta entre 12 cu 44 aña (esnan mas activo) y tambe 80 aña bay ariba.  

YAMADA

E yamado ta pa e grupo di edadnan aki, pero tambe tur esnan cu no a vacuna ainda pa vacuna y compronde cu e vacuna di Pfizer cu Aruba ta suministrando ta dunando resultado. Segun datonan local, e gran mayoria di hende contagia den hosital cu complicacion no ta vacuna, loke ta genera den nos comunidad mas medida cu e respectivo consecuencia, gastonan medico extra, un percepcion negativo internacionalmente y hopi presion social, emocional y economico.