Aruba ta pais cu mas caso activo di Covid19 den Reino Hulandes

ORANJESTAD/DEN HAAG  – Aruba ta e pais den Reino Hulandes actualmente cu tin mas caso activo di Covid19, cu 850 caso per 100 mil habitante. Asina Rijks Instituut Volksgezondheid & Millieu ( RIVM) ta raporta segun e portal Hulandes Volkskrant awe dialuna.

E cantidad actual di caso activo te cu diadomingo, tabata 1085. Ta sigui Corsou cu 634 caso activo, y St Maarten cu 345 caso activo. E otro islanan ta hopi mas abou. For di e raportahe di siman pasa di RIVM, e variante Delta ta responsabel pa 97% di e contagionan actualmente.