Louis van Gaal ta laga Denzel Dumfries for di seleccion Hulandes

AMSTERDAM – E entrenador Hulandes di futbol Louis van Gaal a traha su seleccion Hulandes ‘nobo’, y a laga nombernan notable afo. Entre nan e ‘Arubiano’ Denzel Dumfries. Dumfries ta naci na Hulanda pero di tata Arubiano. Tambe van Gaal a opta pa usa varios portero ‘nobo, manera Remco Pasveer , Justin Bijlow Tim Krul y  Joël Drommel.  E hecho cu Dumfries tabata forma parti di e seleccion Hulandes, tabata hacie mas interesante pa Arubianonan wak e weganan. No ta conoci si esaki lo tin un efecto riba e interes pa cu e seleccion Hulandes. 

DUMFRIES

Ultimo weganan cu el a hunga pa seleccion Hulandes, e la haci un tremendo papel y a wordo considera como ‘e homber di e partido’. Ta bisa cu no ta completamente un sorpresa cu Dumfries a wordo laga atras pasobra e ‘falta ritmo di wega’. Ayera tabata conoci cu Dumfries lo transferi di PSV pa e ekipo di Internazionale y cu e deal ey ta casi concretisa.   

SELECCION 

E seleccion temporal ta traha pa e weganan clasificatorio pa Copa Mundial Qatar 2022 cu Noruega (1 September), Montenegro (4 september) y Turkia (7 september). Hulanda ta number dos den e grupo cu 1 punto menos cu Turkia y mes hopi punto cu Noruega y Montenegro. Solamente e ganadornan di e grupo ta clasifica pa e Copa Mundial. Number 2 ta haya un chens atrobe via un playoff. E copa Mundial mes ta di 21 di November pa 18 di December 2022.