Den un razzia a detene un persona y a confisca marihuana

ORANJESTAD - En conexion cu un investigacion  andando Project Team Drugspanden a bay na un cas na Macubaristraat y a detene e homber di inicialnanF.S.G naci na Aruba di 59 aña. Project Team Drugspanden ta un team cu a wordo lanta pa entre otro investiga bendemento di droga for di un percela. Durante e entrada hudicial a confisca un cantidad di marihuana. Diferente teamnan special manera: K9-unit, departamento tecnico di Cuerpo Policial y otro teamnan tambe a participa na e entrada hudicial aki. Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn: 11141. Nos ta garantisa cu bo ta keda anonimo