Scolnan na Aruba no ta habri otro siman mas debi na Covid19

ORANJESTAD – Scolnan na Aruba no ta habri otro siman mas manera tabata programa, sino te dia 1 di september proximo. Asina prome minister di Aruba Evelyn Wever Croes a informa diahuebs atardi laat durante e conferencia di prensa riba Covid19. Motibo di e posponemento di apertura di scol ta debi na e grado halto di contagio na Aruba y cu e ta afecta mucha tambe y cu no hopi mucha ta vacuna ainda. Segun e mandatario, e cantidad halto cu casonan a pone cu a opta pa no warda 14 dia pasa pa e medidanan tuma recientemente, y a dicidi cu ta necesario pa implementa mas medida. Tambe a nota cu e causa principal di contagio ta di e bida nocturno, restaurant y clubnan nocturno. 

MAS MEDIDA

Fuera di ciere di scol, a dicidi cu ta prohibi fiesta cu baile y cu e unico musica permisible ta musica estilo backround music y solamente un musico riba escenario. 

TOQUE DE QUEDA?

A opta pa ainda no re introduci Toque de Queda, contrario na loke a sosode na Corsou, pasobra e medida inicialmente introduci anochi, parce ta yuda. Pero si den 7 dia e situacion sigui aumenta, lo tin cu re introduci esaki.