Atraco arma a tuma lugar awe tardi riba You Kang Foodmart

ORANJESTAD – Un atraco arma a tuma lugar diahuebs atardi riba You Kang Foodmart na Simeon Antonio. Tabata pa 3.08 pm cu central di polis ta wordo notifica di un atraco cu a caba di tuma lugar na e foodmart situa den Alablancastraat. 

A manda un patruya di biaha y na unda na su yegada por a bin compronde cu un rato prome un atraco a tuma lugar. Ta trata di 1 hende homber bisti den un coverall, cara tapa y cu arma di candela den man a drenta e minimarket y a exigi tur placa. Atraco Team a presenta na e sitio pa haci nan investigacion. Tambe polis technico a yega y slachtofferhulp.  Cuerpo Policial ta pidi un biaha mas esnan cu tin informacion jama e tiplijjn di polis cu ta 11141. Bo ta garantisa di keda anonimo