Aruba tin 2 morto mas y ta yega 1053 caso activo total di Covid19

ORANJESTAD -  Segun resumen di  awe Aruba a registra un total di 137 caso nobo di COVID-19 a keda registra cual 5 ta turista y 132 ta residente y awe   69 persona a recupera. E cifranan aki ta representa un 'Positivity rate' bou di nos residentenan di 28%. Cantidad di casonan activo di COVID-19 pa awe ta 1053 .

MORTO

E cantidad di fayecidonan relaciona cu COVID-19 a aumenta na 115 cu fayecimento di 1 residente y 1 no-residente. Ambos tawata interna y lamentablemente no tawata vacuna. Condolencia na famianan.

Datos ta ilustra subida continuo di casonan nobo cu un average semanal di 111 caso pa dia y un average di 'positivity rate' semanal di 32% pa dia cu ta sigui subi.

HOSPITAL

Hospital tin actualmente 46 persona interna di cual 7 ta den ICU, 35 riba piso general,  3 riba piso di maternidad (hende muher na estado) y 1 riba pediatria (mucha). Datos di hospital ta ilustra cu di e 46 personanan interna debi na COVID, 16 persona (36%)ta vacuna sea cu 1 of 2 vacuna y 28 persona (64%) no tin ningun vacuna y 2 DVG no ta disponi di su informacion na e momento aki.