Benny Sevinger a presenta den su prome reunion desde su libertad di KIA y huramentacion

ORANJESTAD – Parlamentario Benny Sevinger a participa den su prome reunion Parlamentario despues cu el a sali di KIA y keda huramenta un siman pasa pa Gobernador. Cu su presencia, Parlamento por bisa cu e ta completo awor. Sevinger tabata deteni casi 70 dia como sospechoso principal di e caso penal Avestruz cu ta trata fraude y corupcion. Constitucion di Aruba ta permiti pa un persona cu ta sospechoso, keda eligi pa Parlamento y tanten cu e no ta deteni, participa activamente den Parlamento. Algo cu ta un discussion ainda den comunidad, pa loke ta su presentacion, esta e hecho cu tin un persona cu ta un sospechoso di husticia, y asina mes e ta un Parlamentario activo, completo cu salario. Potret cortesia Aribaaruba media.