Croes: Lo apela sentencia contra reconteo di voto electoral di eleccion 2021

ORANJESTAD – E tres ciudadanonan miembro di partido AVP, esta srs Arthur Dowers, Mike de Meza y sra Mervin Wyatt Ras lo apela sentencia contra prohibicion di reconteo di voto di eleccion 2021. For di e abogado di e partido cu a perde e caso, Desiree Croes, noticiacla a compronde caba cu a dicidi cu ta apela e sentencia, y a pidi presidente di Conseho Electoral pa no destrui e stembiljetnan ainda.  

HUEZ A MALINTERPRETA POTRETNAN

Abogadop Croes a splica ademas cu pa nan, e huez a malinterpreta e asunto di potret y a bisa cu e potretnan cu a wordo usa, ta saca pa votadornan, cu ta hacie illegal. Pero segun Croes, e potretnan no ta saca pa votadornan sino pa miembronan di e checkers, cu ta saca potret di ora algo no ta cuadra y ta mande pa hoofdstembureau pa dicidi si ta usa e voto aki como uno valido of no.”Anto esey mag”, Croes a sigura e portal aki. Pues, mirando e resultado di e sentencia, a dicidi mesora cu ta apela e sentencia. Por wak e sentencia completo AKI.