Na Corsou, camanan den cuido intensivo di CMC ta cabando

WILLEMSTAD - Te ku ayera na CMC tabatin 27 persona interná di kual 12 ta den kuido intensivo. Di e dia promé pa ayera a bin 2 aserka. I den un siman di tempu ta 7 persona a drenta kuido intensivo diagnostiká ku COVID.

A sobra 3 kama den kuido intensivo ku ta pa hende ku COVID i tambe pa otro pashènt ku ta rekerí e kuido aki.

Otro preokupashon ku tin ta e kantidat di aksidentenan den último simannan ku ta rekerí kaminda okupantenan ta rekerí tratamentu den CMC. E kantidat aki di persona ku trouma ta basta haltu. I si e situashon sigui asina aki, un djis no tin mas kama. Kisas awe mes ku nos ta relatando e artíkulo aki, e kantidat di 3 lo por a baha.

Segun e portal aki a komprondé awe gerensia di CMC lo informá di posibel medidanan ku lo tuma. Nan lo tin di atendé esaki promé ku e personal i pa despues, pa mas tardá awe tardi sali i informá komunidat di e situashon den Curaçao Medical Center.

Nos rekomendashon miéntras tantu ta pa nos kuida entre otro laga nos ban mas trankil den tráfiko i evitá aksidente i ku por kondusí na hospitalisashon/Kuido Intensivo.

Ta ménos ku un siman pasá gerensia di CMC a anunsiá eskalashon di medidanan. Awe nos lo tende adishonalmente kiko gerensia di CMC lo presentá na pueblo.NOTA: Texto ta skirbi den Papiamento fonetico di Corsou.