Lionel Messi a keda presenta oficialmente pa Paris Saint-Germain

PARIS – Despues di a firma e contracto di 2 aña cu e ekipo Frances Paris Saint-Germain diamars anochi, e futbolero professional Argentino Lionel Messi (34) a keda presenta diaranson mainta den un conferencia di prensa oficialmente. E contract tin un opcion pa un di tres aña. No a haci mencion di e suma di placa pero a compronde cu ta trata di 35 miyon euro neto pa aña cu Messi lo gana. Ademas e lo bisti e number 30 riba su uniform, algo simbolico cu tambe el a haci cu su club anterior FC Barcelona cu e la bandona siman pasa pa fayo di por a firma un termino mas. E number 10 cu e ta conoci pe, ta keda pa Neymar, otro estreya futbolistico.