Den dos dia hospital a haya 13 hende extra hospitalisa pa Covid19

ORANJESTAD – Hospital di Aruba a bula di 23 caso hospitalisa pa 36 caso den apenas dos dia di tempo pa loke ta pashent di Covid19. Pues 13 pashent extra hospitalisa den apenas 2 dia di tempo. Esey ta nifica cu aworaki hospital tin 36 persona interna di cual 6 ta den ICU, 28 riba piso general y 2 riba piso di maternidad. Datos di hospital ta ilustra cu di e 36 personanan ingresa cu COVID, 4 ta no-AZV dus ta turista of ilegal, 8 ta vacuna y 24 no ta vacuna.