Corsou tambe a pone Aruba riba lista di risico hopi halto pa Covid19

WILLEMSTAD – Despues di Merca, ta Corsou a pone Aruba (y 7 otro pais) riba e lista cora di risico hopi halto pa Covid19 diamars (awe). E lista nobo di designacion di paisnan basa riba nan situacion di Covid19 ta drenta na vigor awe y por wordo adapta segun e situacion di e pais cambia. Otro paisnan cu ta hunto cu Aruba riba e rango ey ta BVI, Cuba, Guadeloupe, Martinique, Spaña, Inglatera, Venezuela. Dialuna caba Merca tabata esun cu a adapta su lista y a ubica Aruba riba e lista cora scur di paisnan di risico hopi halto. Esey kier men cu no ta recomenda ciudadanonan Mericano di biaha pa Aruba y si nan biaha toch, cu nan mester ta vacuna.