HOH preparando pa manda mas pashent di Covid19 pa Colombia e siman aki

ORANJESTAD – E situacion di Covid19 na hospital ta sigui critico. Awe mainta e portal aki a compronde cu e siman aki atrobe ta preparando pa transporta pashentnan di Covid19 cu ta den ICU pa Colombia, pa duna mas espacio akinan, mirando e aumento cu tin. Problema ta cu mientras tin cama, tin scarsedad di personal pa atende cu e camanan aki. Pa cada cama di ICU, tin un cierto cantidad di personal necesario. Y esey aworaki ta scars mirando cu e contractonan cu tabatin aña pasa sea a vence of ta venciendo y no por conta cu nan mas aworaki. 

HOSPITAL AYERA

Manera cu e portal aki a raporta ayera, awor tin un dama na estado cu tin Covid interna den hospital. Asina Crisis Team a raporta diadomingo. Fuera di e caso aki, di e dama interna den piso di maternidad, tin 22 otro pashent interna den hospital. Un total di 4 ta den ICU, y 18 riba piso general. 

VACUNA?

Datos di hospital ta ilustra cu di esnan ingresa den hospital cu COVID, 21 persona no tin ningun vacuna y solamente 2 persona ta vacuna, esnan interna den ICU ningun ta vacuna.